KYNNING | 24.2.2023

„Markmiðið að hámarka þínar leigutekjur“

Hjá GreenKey starfar þrautreyndur hópur fólks með víðtæka þekkingu á gististaðarekstri. mbl.is/Árni Sæberg

Eignaumsjónafélagið GreenKey hefur farið ört vaxandi síðustu ár. Fyrirtækið hefur verið starfandi frá árinu 2014 og sérhæfir sig í alhliða rekstrar- og tækniþjónustu fyrir stóra og smáa gististaði. Hvort heldur sem hótel, gistiheimili, sumarbústaði eða einstakar fasteignir ætluðum ferðamönnum til skammtímaleigu.

Að mörgu er að hyggja þegar leigja skal út gististaði til skammtímaleigu. Það getur bæði verið krefjandi og tímafrekt að halda úti slíkri starfsemi og verkefnin jafn misjöfn og þau eru mörg. GreenKey býður upp á alhliða rekstrarþjónustu fyrir gististaði af öllum stærðargráðum.

„Við þjónustum alla. Allt frá stórum hótelum yfir í einstaklinga í rekstri,“ segir Davíð Vilmundarson, framkvæmdastjóri GreenKey, um hlutverk fyrirtækisins. „Sem dæmi eru margir viðskiptavinir okkar fólk sem vinnur erlendis hluta af árinu og er hér heima þess á milli.“

Þjónustuver GreenKey er opið allan sólarhringinn, allt árið um kring. mbl.is/Árni Sæberg

Hagkvæmur og hentugur kostur

Það að ráða starfsmann í fullt starf við að stýra því sem til fellur í rekstri gististaða getur verið kostnaðarsamt. Þá getur það einnig vaxið mörgum í augum að sinna slíkum rekstri upp á eigin spýtur. GreenKey býður upp á snjallar lausnir fyrir þá sem vilja spara sér umstang gististaðareksturs og skapa sér aukin verðmæti í senn.

Þjónusta GreenKey er hagkvæmur kostur og er það ein helsta ástæðan fyrir farsælum ávinningi sem fellur beint í hendur gististaðaeigenda. Hagnaður á leigutekjum er síður en svo eini ábatinn sem hlýst af samstarfi við GreenKey þó veigamikill sé. Þeir sem þekkja til þjónustunnar sem GreenKey veitir virðast vita vel að hverju þeir ganga.

„Við erum sérfræðingar í að setja upp og að koma af stað farsælum gistirekstri fyrir og með viðskiptavinum okkar,“ segir Davíð og bendir á að mikil áhersla sé lögð á fagleg vinnubrögð og framúrskarandi þjónustu við viðskiptavini og gesti gististaðanna.

Davíð Wiium, Guðmundur Árni Ólafsson og Davíð Vilmundarson segja að markmið GreenKey sé að hagræða og einfalda gististaðarekstur. mbl.is/Árni Sæberg

Hjá GreenKey starfar þrautreyndur hópur fólks með mikla sérþekkingu á innviðum ferðaþjónustunnar og leggur allt sitt kapp á framúrskarandi þjónustu á öllum sviðum. GreenKey starfrækir þjónustuver sem opið er allan sólarhringinn allan ársins hring þar sem teymi sérfræðinga er tiltækt öllum stundum. Starfsfólk þjónustuversins svarar símtölum, tölvupóstum og skilaboðum í gegnum bókunarmiðla á degi sem nóttu. Þar með geta gestir verið vissir um að fá skjóta og áreiðanlega þjónustu hvenær sem á þarf að halda sama hvert erindið er.

„Við höldum utan um viðhald á fasteignum viðskiptavina og sinnum því að kappkosti,“ útskýrir Davíð og segir slíka þjónustu hvort tveggja auka upplifun og öryggi gesta en ekki síður stuðla að jákvæðu orðspori gististaða.

Hámarkaðu leigutekjurnar með Greenkey

Markmið GreenKey er að einfalda og hagræða alla þætti í útleigu og rekstri á gististöðum með hámörkun á tekjum, nýtingu og upplifun gesta ásamt því að spara gististaðaeigendum tíma og fyrirhöfn. Einn helsti ávinningur þess að vera í þjónustu við GreenKey er sú mikla áhersla sem lögð er á þrifnað og viðhald.

GreenKey rekur tvö þvottahús, eitt á Suðurlandi og annað á höfuðborgarsvæðinu, en alls eru 30 starfsmenn sem annast þrif á vegum fyrirtækisins. Mikill metnaður er lagður í alhliða þrif á gististöðum og tryggt að eignum sé vel við haldið. Öllum eignum er í hvívetna haldið snyrtilegum og í toppstandi þegar gestir mæta á staðinn.

GreenKey rekur tvö þvottahús. Þar er séð til þess að gestir fái nýþvegið og dúnamjúkt lín í fríinu sínu. mbl.is/Árni Sæberg

Þá sér Greenkey til þess að nýþvegin og mjúk rúmföt, handklæði og annað tilheyrandi, sé það sem tekur á móti gestum. Einnig annast GreenKey allan þvott sem fellur til eftir hvern gest sem dvelur í þinni eign ásamt því að sinna alhliða þrifum.

„Þú getur treyst því að eignin þín sé alltaf í góðum höndum. Það skapar þér svigrúm til að einbeita þér betur að öðru,“ segir Davíð.

GreenKey veitir viðskiptavinum sínum einnig ráðgjöf og þjónustu í innanhússhönnun á gististöðum til að hámarka notagildi eigna. Innanhússhönnun og endurskipulag getur spilað stórt hlutverk þegar nýting og upplifun gesta eru annars vegar. Þá er mikilvægt að skapa notalega stemningu og eftirminnilegt andrúmsloft á meðan á dvöl gesta stendur á gististöðum.

„Með okkur starfar innanhússráðgjafi sem hefur komið að því að breyta skipulagi, kaupa inn húsgögn, mála og standsetja íbúðir til útleigu. Þar með er hægt að hámarka leigutekjur, pláss og nýtingu,“ segir Davíð og kveður árangursríkt fyrir fasteignaeigendur að huga að þessum þáttum til að drýgja tekjurnar og fá sem mest út úr eignum sínum miðað við kröfur gesta nú til dags.

GreenKey hefur getið af sér gott orð undanfarin ár og virðast viðskiptavinir þeirra samróma um ánægju sína með þjónustuna. mbl.is/Árni Sæberg

Árangursríkt og ánægjulegt samstarf

Miðað við umsagnir núverandi viðskiptavina GreenKey eru þeir samróma um að samstarfið hafi reynst þeim afar árangursríkt á marga vegu. Umsagnir þeirra geta því rennt stoðum undir að GreenKey stendur við markmið sín og uppfyllir skilvirka og hagkvæma þjónustu.

„Við hjá HGG. fasteign ehf. erum búin að vera í viðskiptum við GreenKey í nokkra mánuði og erum afar ánægð með þjónustuna. Þeir eru áreiðanlegir og hafa sparað mér mikinn tíma og fyrirhöfn með þjónustu sinni. Þeir veita persónulega og góða þjónustu. Það hefur líka allt staðist sem þeir lofa. Ég mæli hiklaust með þeim.“ H.G.G Fasteign.

„Samtarfið við Greenkey hefur gengið vel alveg frá upphafi. Ég get ekki sagt annað en að það sé yndislegt að eiga við þá samskipti og við erum að vinna að sama markmiði. Ég get heilshugar mælt með þjónustu GreenKey aldeilis.“ Gísli Jón - Hótelstjóri - Vintage Hotel Reykjavík.

Veldu GreenKey fyrir örugga, snjalla og sjálfvirka lausn sem eykur þín afköst í gististaðarekstrinum.