Söngkonan Sigrfíð Rut Gyrðisdóttir, eða Fríd líkt og hún kallar sig, frumflutti nýtt lag í bingóþættinum sem fram fór síðastliðinn fimmtudag. Lag hennar I Thought You Were Falling Too kom út á helstu streymisveitum á föstudaginn en Fríd og hennar föruneyti tóku forskot á sæluna og spiluðu lagið fyrir þátttakendur bingósins.
Fríd er ung tónlistarkona á uppleið. Lýsir hún tónlistarstefnu sinni sem melódísku og tilraunakenndu rafpoppi en breiðskífu frá Fríd er að vænta á allra næstu mánuðum. Flutninginn á I Thought You Were Falling Too má nálgast í spilaranum hér að ofan.
Næsti bingóþáttur er á dagskrá næstkomandi fimmtudagskvöld. Bein útsending hefst hér á mbl.is og á rás 9 á sjónvarpi Símans kl. 19.00. Allar upplýsingar um bingóið má nálgast hér.
