Nýr hemlaprófari tekinn í notkun

INNLENT  | 12. júní | 15:30 
Hemlunarbúnaður er einn mikilvægasti öryggisþáttur hvers ökutækis og um leið viðhaldsþáttur sem ekki má vanrækja. Þetta segir Halla Bergþóra Björnsdóttir, lögreglustjóri á Norðurlandi eystra, en í dag tóku þrjú lögregluembætti í notkun hemlunarprófara sem nýttur verður til fagmannlegra eftirlits.

Attachment: "Hemlunarprófun á Kjalarnesi" nr. 10718

 


Hemlunarbúnaður er einn mikilvægasti öryggisþáttur hvers ökutækis og um leið viðhaldsþáttur sem ekki má vanrækja. Þetta segir Halla Bergþóra Björnsdóttir, lögreglustjórinn á Norðurlandi eystra, en í dag tóku þrjú lögregluembætti í notkun hemlunarprófara sem nýttur verður til eftirlits með meiri fagmennsku.

 

Lögregluembættin á Vesturlandi, Norðurlandi eystra og Suðurlandi stóðu saman að kaupunum ásamt dómsmálaráðuneytinu og kostaði hemlunarprófarinn 12 milljónir króna. Átta lögregluþjónar fóru nýlega til Danmerkur á námskeið í notkun búnaðarins en Halla segir að með reglulegri skoðun ökutækja megi stuðla að auknu umferðaröryggi með því að tryggja að ökutæki sé í lögmæltu ástandi til þess að hætta af notkun þess verði sem minnst.

 

„Í eftirliti felst m.a. sjónskoðun á ástandi ökutækis í kyrrstöðu, könnun á nýlegu vegaskoðunarvottorði eða skoðunarvottorði frá síðustu skoðun ökutækisins á skoðunarstöð og skoðun hvort um vanbúið ökutæki sé að ræða. Í síðastnefnda atriðinu felst að m.a. skoðun á hemlabúnaði,“ segir Halla. 

„Miðað við núgildandi reglur fer reglubundin skoðun ökutækja fram einu sinni á ári og gilda sömu reglur um tíðni skoðana hvort sem um er að ræða stærri ökutæki sem notuð eru í atvinnurekstri eða fólksbifreiðar í einkaeigu,“ segir Halla.

 

 

„Umtalsverður munur getur verið að því hversu mikið þessi ökutæki eru ekin á ári hverju, stærri ökutæki, hópferðabifreiðar, vörubifreiðar og eftirvagnar sem og aðrar bifreiðar sem notaðar eru í atvinnuskyni eru oft og tíðum eknar um og yfir 100 þúsund kílómetra á einu ári á meðan fólksbifreiðar í einkaeigu eru eknar um 15 þúsund kílómetra á ári.“

 

Þættir