Vöxtur vel greinanlegur í Skaftá

INNLENT  | 4. ágúst | 10:15 
Rennsli í Skaftá við Sveinstind er enn að aukast og mælist rennslið nú 1.350 rúmmetrar á sekúndu. Samkvæmt upplýsingum frá náttúruvársérfræðingi á Veðurstofunni hefur ferillinn beygt af og er vatn farið að renna út í hraunið og því verði að taka rennslistölum með varúð.

Rennsli í Skaftá við Sveinstind er enn að aukast og sýnir mælist rennslið nú 1.350 rúmmetrar á sekúndu. Vatnshæð heldur einnig áfram að aukast og mældist um 430 sentimetrar á 19 klukkustundum við Sveinstind.

Vöxtur er orðinn vel greinanlegur í ánni eins og meðfylgjandi myndband, sem Haukur Snorrason tók í morgun, sýnir. 

Útlit var fyrir að hlaupið hefði náð hámarki við Sveinstind í morgun en að mati Veðurstofunnar eru enn um nokkrir klukkutímar í að hámarki verði náð í hlaupinu sem nú stendur yfir. Samkvæmt upplýsingum frá náttúruvársérfræðingi á Veðurstofunni hefur ferillinn beygt af og er vatn farið að renna út í hraunið og því verði að taka rennslistölum með varúð. 

 

Frétt mbl.is

Mælingar benda til þess að hlaupið verði ekki jafnstórt og fyrir þremur árum þegar rennslið mældist mest um 2.000 rúmmetrar á sekúndu. 

Þyrla Landhelgisgæslunnar mun fljúga ásamt vísindamönnum frá Veðurstofu Íslands yfir svæðið þar sem hlaupsins gætir seinna í dag. Almenningur er varaður við því að vera á ferð á þessum slóðum vegna losunar eitraðra gastegunda úr hlaupvatninu, auk þess sem stór ísflikki geta brotnað úr jökulsporðinum og ofan hans.

Þættir