Skólastarf í Seljaskóla á morgun

INNLENT  | 13. May | 15:45 
Starfsmenn Seljaskóla hafa unnið að hreinsun á skólanum í dag svo að hægt verði að taka á móti nemendum á morgun. 140-150 nemendur stunda nám í álmunni sem varð eldinum að bráð en búið er að gera ráðstafanir svo að skólastarf geti haldið áfram næstu vikurnar að sögn Magnúsar Jónssonar, skólastjóra.

Starfsmenn Seljaskóla hafa unnið að hreinsun á skólanum í dag svo að hægt verði að taka á móti nemendum á morgun. 140-150 nemendur stunda nám í álmunni sem varð eldinum að bráð en búið er að gera ráðstafanir svo að skólastarf geti haldið áfram næstu vikurnar að sögn Magnúsar Þórs Jónssonar, skólastjóra.

Í myndskeiðinu er rætt við Magnús sem var önnum kafinn í hreinsunar- og skipulagsstarfi í dag.

Ljóst er að skemmdirnar eru miklar og álman sem skemmdist er gjörónýt en þar eru sex skólastofur. Skólastarf verður að einhverju leyti í Seljakirkju, aðstöðu ÍR og í félagsmiðstöðvum í hverfinu næstu vikurnar.

Fólk vill svör

Magnús segir eðlilegt að foreldrar vilji svör við því hvernig það gat gerst að eldur skyldi hafa komið upp í skólanum með einungis tveggja mánaða millibili. „Það þurfa allir aðilar sem koma að rekstri hússins að vinna með okkur í að velta við öllum steinum og ég greini mjög sterkan samstarfsvilja,“ segir Magnús. 

Þættir