Leiðtogar vesturvelda, þeirra á meðal Emmanuel Macron Frakklandsforseti, Donald Trump Bandaríkjaforseti og Angela Merkel kanslari Þýskalands, fögnuðu í dag fangaskiptum Rússlands og Úkraínu sem sögð eru marka fyrstu skrefin í átt að sátt eftir fimm ára spennu og átök ríkjanna á milli. Tvær flugvélar tóku á loft frá Moskvu og Kænugarði á sama tíma með 35 fanga innanborðs hvor.