Arnar Þór býr í einstöku húsi í Arnarnesinu

SMARTLAND  | 9. júní | 19:34 
Dómarinn Arnar Þór Jónsson býr í heillandi húsi í Arnarnesinu ásamt eiginkonu sinni, Hrafnhildi Sigurðardóttur, og fimm börnum þeirra. Fjölskyldan hefur búið í húsinu í sex ár en það sem heillaði þau var að húsið er byggt í hring. Í miðju hússins er garður sem er mjög óvenjulegt þegar kemur að íslenskum heimilum. Það var líka annað sem hentaði fjölskyldunni og það var að í húsinu eru fimm barnaherbergi sem passaði akkúrat þannig að öll börnin hefðu sérherbergi.

Dómarinn Arnar Þór Jónsson býr í heillandi húsi í Arnarnesinu ásamt eiginkonu sinni, Hrafnhildi Sigurðardóttur, og fimm börnum þeirra. Fjölskyldan hefur búið í húsinu í sex ár en það sem heillaði þau var að húsið er byggt í hring. Í miðju hússins er garður sem er mjög óvenjulegt þegar kemur að íslenskum heimilum. Það var líka annað sem hentaði fjölskyldunni og það var að í húsinu eru fimm barnaherbergi sem passaði akkúrat þannig að öll börnin hefðu sérherbergi. 

Arnar þekkir götuna vel því hann er alinn upp í öðru húsi í götunni og var meira í því að gera dyraat í húsinu þegar hann var drengur. Það var listmálarinn Pétur Friðrik Sigurðsson sem byggði húsið og bjó þar ásamt því að vera með vinnustofu í húsinu. Mósaík-listaverkið í húsinu er til dæmis eftir Pétur en hann náði ekki að leggja lokahönd á það fyrir andlátið. Það skiptir engu máli hvort verkið sé klárað eða ekki því það er mikil heimilisprýði. 

Arnar segir frá því í Heimilislífi að það sé mjög ólíkt honum að opna heimili sitt í slíkum þætti en játar að veiran hafi hrisst upp í tilveru hans. Eftir alla heimavinnuna síðasta eina og hálfa árið hafi hann áttað sig betur á því hvað skiptir hann máli í lífinu. Hann komst til dæmis að því að honum líður frekar vel í mótvindi og í brekku. Það er líklega þess vegna sem hann býður sig fram í prófkjöri Sjálfstæðisflokksins í Suðvesturkjördæmi. 

 

Þættir