Húkkaði sér reglulega far upp í Bláfjöll

ÍÞRÓTTIR  | 6. janúar | 13:39 
„Ég held að mamma hafi fundið einhvern brettapakka fyrir mig á Bland.is á sínum tíma,“ sagði Ylfa Rúnarsdóttir, atvinnukona á snjóbretti, í Dagmálum, frétta- og menningarlífsþætti Morgunblaðsins.

„Ég held að mamma hafi fundið einhvern brettapakka fyrir mig á Bland.is á sínum tíma,“ sagði Ylfa Rúnarsdóttir, atvinnukona á snjóbretti, í Dagmálum, frétta- og menningarlífsþætti Morgunblaðsins.

Ylfa, sem er 27 ára gömul, byrjaði á snjóbretti þegar hún var 13 ára gömul en þremur árum síðar flutti hún til Svíþjóðar.

Hún gerði samning við  snjóbrettaframleiðandann Burton á síðasta ári og er í dag þekkt stærð í snjóbrettaheiminum kvennamegin.

„Foreldar mínir hafa alla tíð staðið mjög þétt við bakið á mér og ég byrjaði fyrst að renna mér í Árbænum og í kringum húsið heima,“ sagði Ylfa.

„Ég tók rútuna oft og tíðum upp í Bláfjöll á sínum tíma og svo húkkaði ég mér líka far upp í Bláfjöll en ég veit ekki alveg hvort mamma og pabbi hafi verið meðvituð um það,“ sagði Ylfa.

Viðtalið við Ylfu í heild sinni má nálgast með því að smella hér.

Þættir