Varað við mikilli farsímanotkun

mbl.is/Jim Smart

Ronald Herberman, forstöðumaður hinnar virtu rannsóknastofnunar  University of Pittsburgh Cancer Institute  hefur sent út tölvupóst þar sem fólk er varað við mikilli farsímanotkun. Ráðleggur Herberman fólki að bíða ekki eftir að niðurstöður rannsókna staðfesti hugsanleg skaðleg áhrif farsímanotkunar. Þetta kemur fram á fréttavef BBC. 

„Við eigum ekki að bíða eftir því að afgerandi niðurstöður liggi fyrir. Það er betra að fara varlega en að iðrast eftir á,” segir hann í tölvupóstinum sem sendur var á 3.000 netföng fólks sem tengist stofnuninni . „Ég er sannfærður um að fyrir liggja nægar upplýsingar til að réttlæta viðvörun varðandi notkun farsíma.”  

Herberman segir að börn eigi einungis að nota farsíma í neyðartilfellum og að fullorðið fólk eigi að halda símunum sem fjærst höfðinu þegar það tali í þá. Þá ráðleggur hann fólki að skipta reglulega um eyra þegar það talar í farsíma. 

Engar rannsóknir hafa staðfest að farsímanotkun geti verið skaðleg en á síðasta ári sögðu forsvarsmenn bresku  stofnunarinnar UK Mobile Telecommunications and Health Research Programme að fyrir lægju vísbendingar um að fylgni sé á milli tíðni krabbameinstilfella og mikillar farsímanotkunar á a.m.k. tíu ára tímabili.

 Herberman segir skoðun sína byggða á óbirtum upplýsingum sem komið hafi fram við frumrannsóknir.
mbl.is
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
Bækur til sölu
Ævintýri Stikkilsberja Finns eftir Mark Twain (á ensku) 1. útg. London, 1884. Ve...
Byggingarstjóri
Byggingarstjóri 659 5648 Allar byggingarframkvæmdir sem krefjast byggingale...