Gaia kortleggur geiminn

Evrópska geimvísindastofnunin (ESA) skaut í morgun gervihnettinum Gaia á braut um jörðu frá Sinnamary í Frönsku Gíneu. Verkefnið er eitt það metnaðarfyllsta í sögu geimvísinda. 

Það var klukkan 9:12 að íslenskum tíma sem eldflauginni var skotið á loft sem flutti stjörnusjónaukann út í geim. Fram kemur á vef breska ríkisútvarpsins að Gaia kosti 740 milljónir evra, eða sem jafngildir 118 milljörðum kr.

Gaia mun hafa það hlutverk að kortleggja nákvæma staðsetningu og fjarlægðir á milli eins milljarðs stjarna. Markmiðið er að búa til fyrstu raunsæju myndina sem sýnir það hvernig Vetrarbrautin er uppbyggð.

Gervihnötturinn er ótrúlega næmur og ljóst er að hann mun svipta hulunni af mörg þúsund hlutum í geimnum sem hafa hingað til ekki sést. T.d. nýjar plánetur og smástirni. 

mbl.is

Bloggað um fréttina

Legupressur 50 Tonna
Everet UK Legupressur 50 T Loft/glussadrrifnar og einnig hægt að handtjakka. Gæ...
Til sölu á Jótlandi, íbúð + iðnaður
Mikið pláss 1268 m/2 á 3000 m/2 lóð, m.a. 300 m/2 íbúð, stórt rafmagnsinntak. Ým...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Vatnsaflstúrbínur -Rafalar-Lokar
Útvegum allar stærðir af túrbínum rafölum og lokum fyrir virkjanir. Holt Véla...