Alzheimerslyf stenst ekki skoðun

Kona með Alzheimers í Frakklandi. Búist er við mikilli fjölgun ...
Kona með Alzheimers í Frakklandi. Búist er við mikilli fjölgun fólks með vitglöp á næstu áratugum. AFP

Tilraunalyfið solanezumab sem lyfjafyrirtækið Eli Lilly hefur þróað undanfarin ár og hafði vakið vonir um að gæti hægt á framgangi Alzheimers-sjúkdómsins stóðst ekki stóra vísindalega rannsókn. Fyrirtækið segir niðurstöðuna vonbrigði.

Fyrstu niðurstöður tilrauna með lyfið höfðu vakið vonir um að það gæti hægt á framrás sjúkdómsins um allt að þriðjung. Þær vonir virðast ekki hafa verið á rökum reistar því fyrirtækið segir að ekki hafi komið fram tölfræðilega marktækur munur á framgangi sjúkdómsins hjá þeim sem fengu lyfið annars vegar og þeim sem fengu lyfleysu hins vegar.

Frétt Mbl.is: Lyf gæti hægt á Alzheimers

Eli Lilly segist ekki ætla að reyna að fá leyfi til að selja lyfið sem meðferð við mildum vitglöpum. Jeremy Hughes, forstjóri Alzheimers-samtakanna, segir það gífurleg vonbrigði að lyfið hafi ekki skilað árangri fyrir fólk með vitglöp.

Alþjóðaheilbrigðisstofnunin áætlar að 36 milljónir manna þjáist af vitglöpum. Þeim muni fjölga upp í meira en 65 milljónir fyrir árið 2030 og ná 115 milljónum árið 2050. David Reynolds frá Alzheimersrannsóknastofnuninni í Bretlandi segir að nærri fimmtán ár séu nú liðin frá því að nýtt lyf gegn Alzheimers kom á markað. 

mbl.is
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...