Einn milljarður jarðarbúa reykir

AFP

Eitt af hverjum tíu dauðsföllum í heiminum má rekja til reykinga. Þetta kemur fram í nýrri rannsókn. Helmingur þeirra sem látast af völdum reykinga búa í fjórum ríkjum: Kína, Indlandi, Bandaríkjunum og Rússlandi. Fjallað er um rannsóknina á BBC en hún er birt í The Lancet.

Undanfarna áratugi hefur verið barist gegn reykingum en þrátt fyrir það hefur reykingamönnum fjölgað í heiminum. Óttast er að reykingafólki eigi enn eftir að fjölga vegna mikillar markaðssetningar tóbaksfyrirtækja í þróunarlöndunum.

Einn af höfundum skýrslunnar, Emmanuela Gakidou, segir í viðtali við BBC að þrátt fyrir að sýnt hafi verið fram á hræðilegar afleiðingar reykinga á heilsu fólks þá reykir einn af hverjum fjórum körlum í heiminum daglega.

Reykingar eru annar stærsti áhættuþátturinn þegar kemur að heilsu fólks en rannsóknin nær til 195 landa og er gerð á tímabilinu 1990 til 2015. Samkvæmt henni reykir einn milljarður jarðarbúa daglega. Árið 2015 voru það einn af hverjum fjórum körlum og ein af hverjum 20 konum.

Frétt BBC

mbl.is
Rafstöðvar-Varaafl
Útvegum allar stærðir af rafstöðvum, frá Deutz/stamford Cummins Volvo Yanmar...
Sambyggð trésmíðavél: Felder. CF 741 3f
Sambyggð trésmíðavél: Felder. CF 741 3f. Hjólsög: fræsari og hefill, afréttari o...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...