Segist hafa krukkað í erfðaefni fósturs

Prófessorinn segist hafa breytt erfðaefni fósturvísanna.
Prófessorinn segist hafa breytt erfðaefni fósturvísanna. AFP

Miklar efasemdaraddir hafa kviknað í kjölfar fullyrðinga kínversks vísindamanns um að hann hafi aðstoðað við fyrstu erfðabreytingu barns.

Prófessorinn He Jiankui heldur því fram að hann hafi breytt erfðaefni (DNA) í fósturvísum tvíburastúlkna sem fæddust svo fyrir nokkrum vikum. Sagði hann breytinguna felast í því að hindra að þær geti mögulega smitast af HIV-veirunni.

Þessar fullyrðingar prófessorsins, sem m.a. voru birtar í frétt AP-fréttastofunnar, vöktu gríðarlega hneykslan og reiði jafnt frá vísindaheiminum sem almenningi. Slíkar genabreytingar eru stranglega bannaðar í flestum löndum.

Í frétt BBC um málið segir að genabreytingar gætu mögulega aðstoðað við að útrýma sjúkdómum. En sérfræðingar telja að með því að fikta í erfðamengi fósturs sé hægt að valda miklum skaða, ekki aðeins fyrir viðkomandi einstakling heldur einnig fyrir framtíðar kynslóðir sem gætu erft þær breytingar sem gerðar eru á erfðamenginu.

Prófessorinn kínverski hlaut menntun sína í Stanford-háskóla í Bandaríkjunum og starfar nú á rannsóknarstofu í suðurhluta Kína. Hann segir í myndbandi sem hann hefur birt að vinna hans miði að því að búa til börn sem muni ekki þjást af sjúkdómum frekar en að búa til börn sé búi yfir ákveðnum útlitseinkennum eða greind.

Aðrir sérfræðingar segja að hafi He prófessor gert þetta hafi hann gengið of langt. „Það eru margar leiðir færar til að koma í veg fyrir HIV-sýkingu í heilbrigðum einstaklingum,“ bendir einn þeirra á. „Þessi tilraun [prófessorsins] setur heilbrigð börn í hættu af engri raunverulegri ástæðu.“

mbl.is
NUDD- LÁTTU DEKRA VIÐ ÞIG.
HEIT OLIA OG STEINAR- RÓAR HUGANN OG GEFUR BÆTTA LÍÐAN. tÍMAPANTANIR SIMI 8...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Húsaviðgerðir
https://www.husco.is/...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...