Tæknirisinn Apple hefur verið sektaður um 25 milljónir evra fyrir að hægja á eldri iPhone tækjum án þess að upplýsa neytendur um það. Frönsk stofnun sem rannsakar svikamál gegn neytendum (DGCCRF) kvað upp úr um sektina. BBC greinir frá.
Stofnunin sagði enn fremur að neytendur hefðu ekki verið varaðir við. Árið 2017 viðurkenndi Apple að hafa hægt á nokkrum gerðum af iPhone-símum en tilgreindi að ástæðan fyrir því væri að „lengja líf“ tækjanna. Viðskiptavinir Apple hafa lengi rennt í grun að fyrirtækið beitti þessum bellibrögðum til þess eins að neytendur keyptu nýjustu gerðina af símanum um leið og sú eldri færi að hægja á sér.
Í tilkynningu frá fyrirtækinu sagðist það hafa náð að leysa málin með eftirlitsstofnuninni.