Góð veiði í Hafralónsá

Klifrað niður í Þrælinn í Hafralónsá.
Klifrað niður í Þrælinn í Hafralónsá. Ljósmynd/Aðsend

Góðar fréttir berast frá Hafralónsá í Þistilfirði, en veiðimenn sem hættu á hádegi í gær tóku 27 laxa á tvær stangir eftir þriggja daga veiði.

Að sögn Vigfúsar Orrasonar, sem var að veiða í ánni með bandarískum vini sínum, lentu þeir í hálfgerðri veislu. Voru þeir einbíla og veiddu þar af leiðandi langmest saman, um sjö klukkustundir á dag þar sem fremur kalt og hráslagalegt var úti við megnið af tímanum.

Þrátt fyrir það náðu þeir 27 löxum á land og var stærstur hluti þeirra tveggja ára stórlaxar, allt að 87 cm. Til viðbótar misstu þeir slatta. Allt veiddist fyrir neðan Gústa og var Collie Dog áltúpa að gefa langmest af aflanum.  

Þegar þeir yfirgáfu ána á hádegi í gær var búið að færa 39 laxa til bókar.

Veitt í Stapa í Hafralónsá.
Veitt í Stapa í Hafralónsá. Ljósmynd/Aðsend
Veitt í Gústa í Hafralónsá.
Veitt í Gústa í Hafralónsá. Ljósmynd/Aðsend
Hrotti ofarlega í Hafralónsá.
Hrotti ofarlega í Hafralónsá. Ljósmynd/Aðsend
Tunguárhylur sem var gjöfull þessa daga.
Tunguárhylur sem var gjöfull þessa daga. Ljósmynd/Aðsend
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Víðidalsá Stefán Elí Stefánsson 4. september 4.9.
101 cm Laxá í Dölum Hafþór Jónsson 27. ágúst 27.8.
102 cm Haukadalsá Ármann Andri Einarsson 23. ágúst 23.8.
103 cm Laxá í Aðaldal Birgir Ellert Birgisson 12. ágúst 12.8.
103 cm Miðsvæði Laxá í Aðaldal Máni Freyr Helgason 11. ágúst 11.8.
101 cm Laxá í Aðaldal Agnar Jón Ágústsson 10. ágúst 10.8.
101 cm Laxá í Aðaldal Richard Jewell 9. ágúst 9.8.

Skoða meira

Fleira áhugavert
Fleira áhugavert