Dregur saman með Tóta og Árna Bald.

Árni Baldursson með flottan lax úr Skjálfandafljóti fyrir nokkrum árum.
Árni Baldursson með flottan lax úr Skjálfandafljóti fyrir nokkrum árum. Mynd: www.lax-a.is

Undanfarin ár hafa Sporðaköst tekið stöðuna á heildarlaxveiði hjá Tóta tönn og Árna Baldurssyni. Tóti eða Þórarinn Sigþórsson tannlæknir tók því ljúflega að líta á almanakið þar sem hann skrifar niður fjölda laxa. 

„Já ég kíkti á þetta fyrir þig. Talan í dag er 20.980 laxar,“ segir hann og er ekkert sérlega ánægður. Þetta er ekkert að ganga núna,“ segir hann.

Nokkru áður höfðu Sporðaköst rætt við Árna Baldursson og tala hjá honum er núna 18.618 laxar. Tóti er sem sagt með 2.362 laxa í forskot á Árna.

Þórarinn Sigþórsson, Tóti tönn, landar einum af fyrstu löxum sumarsins …
Þórarinn Sigþórsson, Tóti tönn, landar einum af fyrstu löxum sumarsins í Blöndu fyrir nokkuð mörgum árum síðan. Þetta er einn af 20.980 löxum sem hann hefur landað. Ingi Freyr Ágústsson

Fyrst þegar þessi samanburður var gerður hér á síðunni, árið 2019 þá var munurinn 3.930 laxar. Tóti með 20.686 laxa og Árni Baldursson með 16.756.

Tóti er búinn að bóka mikið í sumar. Tvær eða þrjár ferðir í Kjarrá, Þjórsá er á dagskránni. „Ég ætla að slappa vel af í sumar og er hættur að taka við nýjum sjúklingum. Ég fer víðar. Ætla í Jöklu, Blöndu, Breiðdalsá og Eystri-Rangá.“

Það er þá ljóst að þú ert að fara yfir 21 laxa í sumar. Vantar bara tuttugu fiska í það?

„Já. Ég tel það líklegt. Nema ég verði bráðkvaddur,“ hlær hann.

Hvernig líst þér á sumarið Tóti?

„Sko, ég held að ef ég færi að tjá mig um það þá yrði það sama vitleysa og frá öllum öðrum. Það veit enginn neitt í sinn haus í þessu. Sjáðu bara síðasta sumar. Það átti að vera metveiði. Allir fræðimenn og veiðimenn voru að spá metsumri. Það er bara ekki á vísan að róa í þessu.“

Hann segir að allir spádómar séu út í bláinn, en að veiðimenn voni alltaf það besta. 

„Ég get þó spáð því að þetta verður andskotakornið ekki verra en í fyrra. Þessi spádómur gæti alveg ræst.“

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira