107 sentímetra hrygna gekk í Laugardalsá

Hrygna sem mælist 107 sentímetrar gekk í Laugardalsá í nótt, nokkru eftir miðnætti. Mælingin er nákvæm og sjá má myndskeið af þessum tignarlega laxi, sem fylgir með fréttinni. Hin stórvaxna hrygna var ekkert að flýta sér í gegnum teljarann og dólaði í rólegheitum á vit æskustöðvanna.

Nokkru síðar gekk 86 sentímetra hrygna í gegnum sama teljara og var engu líkara en þar væri smálax á ferð.

Laxastofninn í Laugardalsá sem rennur í Ísafjarðardjúp getur orðið afar stórvaxinn. 9. júlí 2019 greindum við frá því að tveir hængar hefðu gengið í gegnum þennan sama teljara og mældist sá minni 105 sentímetrar en sá stærri hvorki meira né minna en 111 sentímetrar. Það er klárlega 30 punda lax.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Ben Sangster 6. júlí 6.7.
100 cm Blanda Neil Boyd 6. júlí 6.7.
100 cm Hólsá, Eystri-bakki Gijs K. Sipestein 6. júlí 6.7.
102 cm Jökla Nils Folmer Jörgensen 4. júlí 4.7.

Skoða meira