Metlaxar í Blöndu og Hólsá

Gijs K Sipestein með stórlaxinn úr Hólsá, Eystri-bakka. Þessi mældist …
Gijs K Sipestein með stórlaxinn úr Hólsá, Eystri-bakka. Þessi mældist nákvæmlega hundrað sentímetrar. Ljósmynd/Kolskeggur

Neil Boyd kom í fyrsta skipti til Íslands um helgina. Hann var að mæta til veiða í Blöndu og setti hann í sinn fyrsta lax í gærmorgun, á Breiðunni að norðan. Eftir nokkur köst og umræður um hvar væri vænlegast að leggja fluguna fyrir laxinn, tók loks lax hjá Neil.

Kevin Boyd með hundraðkallinn sinn sem hann fékk í Blöndu …
Kevin Boyd með hundraðkallinn sinn sem hann fékk í Blöndu í gær. Ljósmynd/EK

Hann var með Sunray míkró kón undir og takan var ákveðin og Neil mátti hafa sig allan við. Eftir sögulega og stranga viðureign var virkilega stórum og fallegum laxi landað. Mæling sýndi slétta hundrað sentímetra. Hann var mældur aftur til staðfestingar og niðurstaðan var klár. Hundrað sentímetrar. Fyrsti lax Neils á Íslandi reyndist sem sagt hundraðkall.

Ben Sangster og leiðsögumaðurinn hans, Knútur Lárusson. Þessi er úr …
Ben Sangster og leiðsögumaðurinn hans, Knútur Lárusson. Þessi er úr Hólsá og tók fluguna Skógaá. Ljósmynd/Kolskeggur

Veiði í Blöndu hefur verið dræm það sem af er. Nú örlar á laxi sem er að koma inn og það styttist í næsta stóra straum sem er eftir fimm daga. Það er straumurinn sem ræður úrslitum fyrir norðurland.

Fyrir sunnan voru í það minnsta tveir veiðimenn í skýjunum. Það voru þeir Gijs Sipestein og Ben Sangster. Báðir voru við veiðar í Hólsá á Eystri-bakka og lönduðu þeir sitt hvorum hundraðkallinum. Báðir sléttir hundrað sentímetrar. Gijs fékk sinn á fluguna Skógá og Ben tók jafningja hans á Collie Dog túbu.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Ben Sangster 6. júlí 6.7.
100 cm Blanda Neil Boyd 6. júlí 6.7.
100 cm Hólsá, Eystri-bakki Gijs K. Sipestein 6. júlí 6.7.
102 cm Jökla Nils Folmer Jörgensen 4. júlí 4.7.

Skoða meira