Auknar efasemdir um veiða/sleppa

Inga Lind Karlsdóttir veiðimaður hefur vaxandi efasemdir um að fyrirkomulagið veiða/sleppa í laxveiðiám beri þann árangur sem vonast var eftir. Hún gerir upp sitt veiðisumar í Sporðaköstum og það var langt sumar. Hún var byrjuð strax í vor að veiða sjóbirting í grimmdargaddi en með bros á vör.

Hún hefur áhyggjur af stöðunni eins og hún blasir við eftir enn eitt lélega laxveiðisumarið.

Inga Lind situr í stjórn Icelandic Wildlife Fund, eða Íslenska náttúruverndarsjóðsins sem hefur það að megin markmiði að standa vörð um villta íslenska stofna ferskvatnsfiska. Þar undir fellur að sjálfsögðu laxinn, bleikja og sjóbirtingur en einnig ferskvatnsfiskar í vötnum.

Inga Lind hefur miklar áhyggjur af þeirri hættu sem sjókvíaeldi er að skapa fyrir þá fiska sem ganga í ferskvatn. Þá bendir hún á að þetta eldi er nú að fara að stigmagnast og þá eykst hættan enn.

Inga Lind var gestur Sporðakasta í myndveri og við gerðum upp veiðisumarið 2021.

• Blogga um frétt

Seinustu hundraðkallar sumarsins