Fimmtán ára með þann stærsta úr Aðaldal

Dagur Ólafsson og Ólafur Helgi með stórlaxinn sem Dagur veiddi. …
Dagur Ólafsson og Ólafur Helgi með stórlaxinn sem Dagur veiddi. Óli er oft kallaður Helvítis kokkurinn og er það fimmtán ára gamallt viðurnefni. Laxinn mældist 102 sentímetrar. Ljósmynd/Sigurður Helgason

Dagur Ólafsson, fimmtán ára átti frábæran morgun í Laxá í Aðaldal. Laxá er stundum kölluð „Big Laxá“ og er það tilvísun í bæði stærð árinnar og stórlaxastofninn sem á þar heimkynni sín. Dagur upplifði hvoru tveggja. Árni Pétur Hilmarsson og fleiri innfæddir stórveiðimenn voru við veiðar. Sporðaköst óskuðu eftir skýrslu frá Pésa eins og hann er oftast kallaður. Hún fylgir hér.

„Morgunvaktin í Laxá var frábær. Það komu fimm laxar á land. Holl tvö í Laxá er „gædaholl“ þar sem valin maður er í hverju rúmi. Þar er þéttasti kjarninn sem stendur að ánni að veiða saman ásamt mökum og afkomendum.

Dagur í flottri pósu með þann stærsta til þessa úr …
Dagur í flottri pósu með þann stærsta til þessa úr Laxá. Ljósmynd/Sigurður Helgason


Ólafur Helgi sem oft er kallaður „Helvítis kokkurinn“ átti heimasvæðið í Nesi og deildi stönginni með Degi syni sínum. Dagur var fyrr um morguninn búinn að missa fallegan fisk í Kirkjuhólmakvísl. Þeir feðgar héldu þá í Sandeyrarpoll þar sem Óli reisti stórann fisk. Korter var eftir af vaktinni og nú voru góð ráð dýr. Dagur fékk næst val á flugu og var SunRay Bismo settur undir. Eitt rennsli og sá stóri negldi hana. Upphófst mikli barátta. Fyrir þá sem ekki þekkja þá er Sandeyrarpollur ekki stór staður á mælikvarða Laxár. Fiskurinn setti sig fastann í dýpinu neðst í hylnum og hreyfði sig hvergi. Þá kom tveggja áratuga gædareynsla Óla sér vel þar sem beita þurfti bellibrögðum til að ná laxinum aftur af stað. Tók hann þar næst strikið niður í Dýjaveitur þar sem honum var landað eftir fjörutíu mínútna baráttu og niðurstaðan var 102 sentímetra metra hængur, nýgenginn og glæsilegur.“

Feðgar og ferlíki. Það leiðist engum á þessari mynd.
Feðgar og ferlíki. Það leiðist engum á þessari mynd. Ljósmynd/Sigurður Helgason

Þetta er fyrsti hundraðkallinn af Norðurlandi í sumar og afar viðeigandi að hann veiðist í „Big Laxá.“ Áður höfðu þrír slíkir höfðingjar ratað inn á hundraðkallalistann hjá Sporðaköstum og voru þeir allir veiddir á Vesturlandi.

Sporðköst senda hamingjuóskir á unga veiðimanninn Dag Ólafsson.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Vatnsdalsá Reynir Friðriksson 14. ágúst 14.8.
100 cm Miðfjarðará Theódór Friðjónsson 2. ágúst 2.8.
103 cm Laxá í Aðaldal Robert Taubman 31. júlí 31.7.
100 cm Laxá í Aðaldal Kristrún Ólöf Sigurðardóttir 24. júlí 24.7.
105 cm Laxá á Ásum Lord Falmouth 22. júlí 22.7.
103 cm Laxá í Aðaldal Nils Folmer Jorgensen 19. júlí 19.7.
102 cm Hrútafjarðará Oddur Rúnar Kristjánsson 17. júlí 17.7.

Skoða meira