TYRKIR eru komnir í átta liða úrslitin í Evrópukeppni landsliða í fyrsta skipti eftir sigur á Belgum, 2:0, í lokaumferð B-riðilsins í Brussel í gærkvöld. Á sama tíma vann hálfgert varalið Ítala sigur á Svíum, 2:1, og vann þar með riðilinn á fullu húsi stiga. Tyrkir mæta Portúgal í átta liða úrslitum næsta laugardag en Ítalir leika við liðið sem verður í öðru sæti A-riðils, England, Rúmeníu eða Þýskaland.
Meira