9. ágúst 2005 | Í dag | 504 orð | 1 mynd

Heilbrigðissaga | XX. norræna læknasöguþingið haldið í Reykjavík

Saga heilsu og lækninga

Atli Þór Ólafsson er fæddur 6. janúar 1949. Hann lauk embættisprófi í læknisfræði frá Háskóla Íslands 1977 og doktorsprófi frá Háskólanum í Kíl í Þýskalandi 1986. Hann er sérfræðingur í bæklunarlækningum og starfar á eigin læknastofu í Reykjavík.
Atli Þór Ólafsson er fæddur 6. janúar 1949. Hann lauk embættisprófi í læknisfræði frá Háskóla Íslands 1977 og doktorsprófi frá Háskólanum í Kíl í Þýskalandi 1986. Hann er sérfræðingur í bæklunarlækningum og starfar á eigin læknastofu í Reykjavík. Atli er formaður í Félagi áhugamanna um sögu læknisfræðinnar sem stendur fyrir XX. norræna þinginu um lækningarsögu. Atli er giftur Guðrúnu Hrefnu Guðmundsdóttur kennara og eiga þau þrjú börn.

Atli Þór Ólafsson er fæddur 6. janúar 1949. Hann lauk embættisprófi í læknisfræði frá Háskóla Íslands 1977 og doktorsprófi frá Háskólanum í Kíl í Þýskalandi 1986. Hann er sérfræðingur í bæklunarlækningum og starfar á eigin læknastofu í Reykjavík. Atli er formaður í Félagi áhugamanna um sögu læknisfræðinnar sem stendur fyrir XX. norræna þinginu um lækningarsögu. Atli er giftur Guðrúnu Hrefnu Guðmundsdóttur kennara og eiga þau þrjú börn.

Á miðvikudag verður XX. norræna læknasöguþingið sett í Reykjavík og er þetta í þriðja skiptið sem ráðstefnan er haldin hér á landi.

Atli Þór Ólason, sérfræðingur í bæklunarlækningum, er umsjónarmaður ráðstefnunnar í ár: "Yfirskrift ráðstefnunnar að þessu sinni er "Sjúklingur og samfélag í sögulegu ljósi". Aðalræðumaður um þetta efni er Jan Sundin, sagnfræðingur frá Svíþjóð sem heldur erindið "Health and Social Change: A Comparison in Time and Space". Þetta efni er mjög á döfinni hjá sagnfræðingum í heilbrigðissögu og Jan er einn helsti forkólfurinn á þessu sviði og hefur skrifað óhemjumikið um þetta efni."

Dagskrá ráðstefnunnar stendur til laugardagskvölds en alls sækja ráðstefnuna gestir frá 15 löndum og flutt verða um 60 erindi. Atli á von á um 100 gestum á ráðstefnuna en í Norrænu samtökunum um heilbrigðissögu eru 25 félög með alls um 5.000 meðlimi.

"Annað stórt efni á ráðstefnunni er sérstaða norðlægra landa í heilbrigðissögu. Meðal annars mun Haraldur Briem sóttvarnalæknir halda erindi en hann hefur rannsakað efnið mikið og komist m.a. að þeirri niðurstöðu að farsóttir breiðist út með öðrum hætti í norrænum löndum en annars staðar. Við fjöllum um víkinga og læknisfræði þeirra og þar vorum við svo heppin að fá Charlotte Keiser til liðs við okkur. Hún hefur rannsakað heilbrigðismál í Íslendingasögunum og fjórum handritum og borið saman við þá þekkingu sem var til staðar í Evrópu á þessum tíma en Charlotte er talin vera einn fremsti sérfræðingurinn á þessu sviði.

Einnig fáum við upplýsingar um sama efni með fornleifarannsóknum en Hildur Gestsdóttir fornleifafræðingur fjallar um þau mál. Að auki er gaman að segja frá því að Sigfús T. Elíasson, prófessor í tannlækningum, og Svend Richter gerðu rannsóknir á höfuðkúpum í Skeljastaða-kirkjugarði og fundu út að glerungur tannanna var mjög eyddur, að þeir halda vegna sýrudrykkju. En þessi tanneyðing er álíka og sést hjá nútímamanninum vegna gosdrykkju." Loks segir Atli að til viðbótar verði fjallað sérstaklega um konuna í heilbrigðissögunni, um heimilislækninn í sögulegu samhengi, um lyfjafræðinga og tannlækna: "Við verðum með fjölbreytt og merkilegt efni og sumt sem kemur fram í fyrirlestrunum skrítið og óvanalegt eins og búast má við."

XX. norræna heilbrigðissöguþingið er öllum opið. Þingið verður sett kl. 18 á miðvikudag í Þjóðmenningarhúsinu en fyrirlestrar hefjast í hátíðarsal Háskóla Íslands á fimmtudag.

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.