Gestir létu vel af hugmyndum að nýstárlegum tækifærum í ferðamennsku og voru afar hrifnir af hrafninum sem tískufugli og boðbera nýrra tíma.
Gestir létu vel af hugmyndum að nýstárlegum tækifærum í ferðamennsku og voru afar hrifnir af hrafninum sem tískufugli og boðbera nýrra tíma. — Morgunblaðið/Golli
Þau Oddný Sturludóttir og Hallgrímur Helgason tóku hana Margréti Maríu með sér í Hafnarhúsið til að kynna hana fyrir listsköpun og hönnun.
[ Smellið til að sjá stærri mynd ]
MARGT var um manninn í Hafnarhúsinu á laugardag þegar nemendur í hönnunar- og arkitektúrdeild Listaháskóla Íslands og viðskiptadeild Háskólans í Reykjavík sýndu afrakstur samstarfsverkefnis síns, sem sneri að því að leggja fram hugmyndir að nýstárlegum...

MARGT var um manninn í Hafnarhúsinu á laugardag þegar nemendur í hönnunar- og arkitektúrdeild Listaháskóla Íslands og viðskiptadeild Háskólans í Reykjavík sýndu afrakstur samstarfsverkefnis síns, sem sneri að því að leggja fram hugmyndir að nýstárlegum tækifærum í ferðamennsku.

Alls unnu tíu hópar að verkefnum, fimm til sjö í hverjum hóp og var afraksturinn afar ólíkur og hugmyndaflugið nýtt til hins ýtrasta. Þannig komu m.a. fram hugmyndir um lúxushótel við Langjökul, þjóðlegan veitingastað í Botnsskála í Hvalfirði, hrafnatískuvörur og fleira.

Ekki var annað að sjá á gestum sýningarinnar en að þeir kynnu vel að meta hina fjölbreyttu möguleika til að brjóta upp "Gullna hringinn".