Vinnueftirlitið gengst fyrir könnun á líðan og viðhorfum starfsfólks á gisti-, veitinga- og skemmtistöðum fyrir og eftir reykingabannið sem gengur í gildi 1. júní næstkomandi. Þetta kemur fram á vefsíðu Vinnueftirlitsins.
Vinnueftirlitið gengst fyrir könnun á líðan og viðhorfum starfsfólks á gisti-, veitinga- og skemmtistöðum fyrir og eftir reykingabannið sem gengur í gildi 1. júní næstkomandi.

Þetta kemur fram á vefsíðu Vinnueftirlitsins. Könnunin fer fram í maí og aftur á haustmánuðum. Spurningalisti er sendur á vinnustaði og stjórnendur beðnir um að hvetja starfsmenn sína til að svara.

Spurningum er svarað á netinu. Fyllstu þagmælsku er gætt bæði um einstaklinga og vinnustaði en þátttakendum er gefinn kostur á að gefa upp nafn og einkanetfang og taka þannig þátt í happdrætti um ferð fyrir tvo til útlanda.