Sopranos í jólaskapi.
Sopranos í jólaskapi.
SÖNGHÓPURINN Sopranos heldur jólatónleika í Hafnarborg í kvöld, miðvikudaginn 16. desember, og hefjast þeir klukkan 20.00.

SÖNGHÓPURINN Sopranos heldur jólatónleika í Hafnarborg í kvöld, miðvikudaginn 16. desember, og hefjast þeir klukkan 20.00. Með þeim koma fram Bjarni Thor Kristinsson bassasöngvari, Hólmfríður Sigurðardóttir píanóleikari og Örnólfur Kristjánsson sellóleikari.

Sopranos eru þær Margrét Grétarsdóttir, Svana Berglind Karlsdóttir og Hörn Hrafnsdóttir.

Boðað er að tónleikarnir verði léttir og leikandi en jafnframt verður hátíðleika jólanna gefið tilskilið rými; heyra má bæði bandarísk jólalög og klassískar perlur.