Franska tígrisdýrið. N-NS Norður &spade;Á976 &heart;64 ⋄10943...

Franska tígrisdýrið. N-NS

Suður spilar 3♥ dobluð.

Hann lítur ekki út eins og tígrisdýr en útlitið getur blekkt. Utan vallar er Frakkinn Jean Christophe Quantin sviphreinn maður og kurteis. Eiginlega hvers manns hugljúfi. „En við spilaborðið umbreytist þessi mjúki maður í kvikan og grimmlyndan veiðikött, sem sér bráð í hverju horni.“ Svo segir Mark Horton, mótsblaðsstjóri í Mónakó, og teflir fram spilinu að ofan sem rökstuðningi.

Quantin var í vestur. Makker hans, Cedrec Lorenzini, vakti á 2♠ og suður – samlandi þeirra beggja að nafni Philippe Toffier – kom inn á 2G. Nú doblaði kötturinn! Það kraftmikla dobl varð Horton tilefni til sögulegrar upprifjunar: „Jeremy Flint nefndi þetta tígurdobl.“

Doblið er byggt á stöðumati. Vestur á gott útspil (lauf) og sér að suður getur hvergi komist í skjól. Suður reyndi þó að flýja, en Quantin rak flóttann með blóðrauðum doblmiðanum og uppskar á endanum 500-kall í 3♥.