NÝVERIÐ fór fram árleg keppni í pútti milli Hrafnistuheimilanna annars vegar og Grundar og Áss hins vegar. Þetta var í þriðja skipti sem keppnin er haldin en keppt er bæði í sveitakeppni og einstaklingskeppni.

Golfmót á Grund

NÝVERIÐ fór fram árleg keppni í pútti milli Hrafnistuheimilanna annars vegar og Grundar og Áss hins vegar. Þetta var í þriðja skipti sem keppnin er haldin en keppt er bæði í sveitakeppni og einstaklingskeppni. Líkt og í fyrri skiptin sigruðu Hrafnistuheimilin í sveitakeppninni en í einstaklingskeppninni fóru leikar þannig að í karlaflokki hrepptu Hrafnistuheimilin fyrstu þrjú sætin en í kvennaflokki fóru fyrstu þrjú sætin til Elliheimilins Grundar.

ÞÆR Magnea Baldursdóttir, Aðalheiður Þorsteinsdóttir og Sigríður Gissurardóttir velta stöðunni fyrir sér.

STEFÁN Hjaltalín og Sigurjón Björnsson í pásu.

Morgunblaðið/Arnaldur EYJÓLFUR Júlíusson og Lovísa Einarsdóttir fylgjast með Guðrúnu Vormsdóttur.