Vesturtún 55a er til sölu hjá Hraunhamri. Þetta er nýlegt parhús, steinsteypt, 151,5 fermetrar og er ásett verð 19,4 millj. kr.
Vesturtún 55a er til sölu hjá Hraunhamri. Þetta er nýlegt parhús, steinsteypt, 151,5 fermetrar og er ásett verð 19,4 millj. kr.
Bessastaðahreppur - Hraunhamar fasteignasala er með í einkasölu parhúsið Vesturtún 55a, 225 Bessastaðahreppi. Þetta er steinhús, byggt árið 1998 og er það 151,5 fermetrar en bílskýli er 24,6 fermetrar.

Bessastaðahreppur - Hraunhamar fasteignasala er með í einkasölu parhúsið Vesturtún 55a, 225 Bessastaðahreppi. Þetta er steinhús, byggt árið 1998 og er það 151,5 fermetrar en bílskýli er 24,6 fermetrar.

"Um er að ræða glæsilegt hús, fullbúið að utan, sem er frábærlega staðsett. Húsið er á tveimur hæðum og er efri hæðin talsvert undir súð þannig að gólfflötur er talsvert meiri en skráð fermetratalan segir til um," sagði Hilmar Þór Bryde hjá Hraunhamri.

"Inngangur er góður í húsið og forstofan skemmtileg. Rúmgott eldhúsið er glæsilegt með vandaðri sérsmíðaðri innréttingu úr mahóní með miklu skápaplássi. Þá er gashelluborð með háf yfir - vönduð tæki úr burstuðu stáli, og borðkrókurinn er stór og góður. Þvottaherbergi er með haganlegri innréttingu og dyr út í garð. Baðherbergi er stórt og gott með vandaðri innréttingu, baðkari með sturtu og gólfið er flísalagt. Stofan er stór og falleg og borðstofan er með glæsilegum fullgerðum arni, útgangur er út á stóra timburverönd í garði. Steyptur stigi er upp á aðra hæð, þar er gert ráð fyrir snyrtingu en á eftir að ljúka við hana. Hjónaherbergi er stórt og einnig eru barnaherbergin góð, þessi herbergi eru öll undir súð sem nýtist mjög skemmtilega. Efri hæðin er ekki alveg fullfrágengin, eftir að ganga frá listum. Í gólfum í eldhúsi og þvottaherbergi eru flísar, parket á stofu og stiga en filt á öðrum gólfum. Ásett verð er 19,4 millj.kr."