Hraunhamar er með 11 íbúðir, 3 og 4 herbergja, til sölu á Burknavöllum 5, verð íbúðanna er frá 12,9 til 14,9 millj.kr.
Hraunhamar er með 11 íbúðir, 3 og 4 herbergja, til sölu á Burknavöllum 5, verð íbúðanna er frá 12,9 til 14,9 millj.kr.
Hafnarfjörður - Hraunhamar fasteignasala er með í sölu fjölbýlishús á Burknavöllum 5. Í húsinu eru 11 íbúðir og stendur það við Vellina í Hafnarfirði. Íbúðirnar eru 92 til 113 fermetrar, þriggja og fjögurra herbergja.
Hafnarfjörður - Hraunhamar fasteignasala er með í sölu fjölbýlishús á Burknavöllum 5. Í húsinu eru 11 íbúðir og stendur það við Vellina í Hafnarfirði. Íbúðirnar eru 92 til 113 fermetrar, þriggja og fjögurra herbergja.

"Um er að ræða bjartar íbúðir og vel skipulagðar í nýju og viðhaldslitlu fjölbýli á góðum stað í fyrsta áfanga á Völlum í Hafnarfirði. Íbúðirnar eru teiknaðar af Sigurði Þorvarðarsyni byggingafræðingi," sagði Þorbjörn Helgi hjá Hraunhamri.

"Einkar barnvænt umhverfi er í kringum þetta hús og grænt leiksvæði. Íbúðirnar verða afhentar fullbúnar en án gólfefna með vönduðum Modula-innréttingum og tækjum úr stáli. Hægt er að velja úr viðartegundum í innréttingar. Húsið afhendist fullfrágengið að utan, lóðin og bílaplanið verður og fullfrágengið. Séreignarlóð fylgir fyrstu hæðum. Afhending er áætluð í janúar og febrúar 2004. Stutt verður í skóla, leikskóla, verslanir og íþróttasvæði þarna. Verð íbúðanna er frá 12,9 millj. kr. upp í 14,9 millj. kr. Byggingaraðili er ER-verktakar."