Sigurður Jónsson tannlæknir og píanóleikari orti þegar kona í tannlæknastólnum sagði að munnvatn sitt hefði lekið niður fyrir nafla: Víða þarf ég atvinnu að afla, einhvers staðar verð ég hana að fá.

Sigurður Jónsson tannlæknir og píanóleikari orti þegar kona í tannlæknastólnum sagði að munnvatn sitt hefði lekið niður fyrir nafla:

Víða þarf ég atvinnu að afla,

einhvers staðar verð ég hana að fá.

En ef ég leita niður fyrir nafla,

nóg er komið, bezt að hætta þá.

Sigurður orti á tónleikum í Salnum:

Í heilagri ritningu sjálfri má sjá

söguna' um Jónas í hvalnum.

Af mun meiri áhuga hlusta ég á

allt annan Jónas í Salnum.

Sigurður fékk slæman hálsríg og sagði við vin sinn, mikinn sjálfstæðismann:

Ég finn fyrir vöðvagigt vægri,

þótt vanur sé hreyfingu nægri.

Hugsaðu þér

hver hörmung það er

að þola' ekki' að horfa til hægri.

pebl@mbl.is