Sauðárkrókur | Starfsmenn Fiskiðjunnar Skagfirðings á Sauðárkróki hengdu upp þorskhausa til þurrkunar í rigningunni í gær. FISK hefur uppi áform um inniþurrkun á hausum sem gæti kallað á nokkur störf til viðbótar þeim nærri 300 sem fyrirtækið skapar á Norð
Sauðárkrókur | Starfsmenn Fiskiðjunnar Skagfirðings á Sauðárkróki hengdu upp þorskhausa til þurrkunar í rigningunni í gær. FISK hefur uppi áform um inniþurrkun á hausum sem gæti kallað á nokkur störf til viðbótar þeim nærri 300 sem fyrirtækið skapar á Norð — Morgunblaðið/RAX
[ Smellið til að sjá stærri mynd ]
NÚ þegar haustið gengur í garð fer fjöldi landsmanna að sinna hinum árlegu haustverkum. Meðal þess sem tilheyrir haustinu er að svíða kindahausa og hengja upp þorskhausa til þurrkunar.

NÚ þegar haustið gengur í garð fer fjöldi landsmanna að sinna hinum árlegu haustverkum. Meðal þess sem tilheyrir haustinu er að svíða kindahausa og hengja upp þorskhausa til þurrkunar. Þegar ljósmyndara Morgunblaðsins bar að garði í sláturhúsi Kaupfélags Vestur-Húnvetninga á Hvammstanga voru starfsmenn kaupfélagsins þar önnum kafnir við að svíða kindahausa. Aðspurðir sögðust þeir Jóhannes Guðmundur Þorbergsson og Ólafur Skúli Björgvinsson ekki hafa tölu á hausunum sem þeir myndu svíða á hreinu en áætluðu að þeir gætu verið á níunda þúsundið. Sviðakjammarnir munu vafalítið gleðja margan sælkerann þegar nær dregur þorra.

Á Sauðárkróki voru starfsmenn Fiskiðjunnar Skagfirðings í óðaönn að hengja upp þorskhausa til þurrkunar í rigningunni í gær. Raunar hefur fiskvinnslunni í landi bæst liðsstyrkur meðan verkfall í grunnskólum landsins hefur varað því fjölda eldri grunnskólanemenda hefur í verkfallinu gefist tækifæri á að vinna sér inn smáaukapening.

Að sögn munu krakkarnir vera kærkomin viðbót fyrir fiskvinnsluna því þar eru næg verkefni um þessar mundir.