Ert þú á leið til London? Þá er þessi staður algjört æði. Í hliðargötunni Rufus Street út frá Hoxton Square er að finna staðinn The Breakfast Club sem heitir eftir æði vinsælli kvikmynd frá 1985. Þetta er meðalstór og líflegur staður með einstaklega góðri þjónustu. Þarna er að sjálfsögðu hægt að panta „flat white“ sem og aðra kaffidrykki.

Staðurinn er rómaður fyrir pönnukökustafla sína og vöfflur en þarna er líka hægt að fá ekta enskan morgunverð, líka fyrir þá sem borða ekki kjöt. Vel er hægt að mæla með morgunverðar-búrrító sem er borin fram annaðhvort með chorizo-pulsu eða steiktum sveppum.

Fyrir þá sem vilja eitthvað sætt eru pönnukökur með saltri karamellu, bönunum, rjóma og súkkulaðisósu málið.

Búast má við því að þurfa að fara í röð til að borða á staðnum, að minnsta kosti fyrir hádegi um helgar, en röðin gengur nokkuð hratt og biðin er þess virði.

Fyrir þá sem til dæmis ákveða að borða ekki morgunmat á hótelinu sínu er þessi staður alveg kjörinn.

Samfélagsmiðlar elska The Breakfast Club 

Morgunverður staðarins er ákaflega vinsæll enn staðurinn er nú komin með 8 útibú víðsvegar um London. mbl.is/TBC

Tengdar fréttir

Erlend veitingahús

Syndsamlegt að horfa á þessa ostadýrð

• Eftirminnilegt síðdegiste með útsýni yfir Sydney höfn
• Beef Wellington á öðru plani
• Sjáðu töfrana gerast þegar eftirrétturinn er borinn fram
• 50 bestu kaffihúsin í London

» Fleiri tengdar fréttir