Hvar er best að geyma súkkulaði? Er það kæliskápurinn eða skyldi búrskápurinn vera öruggari kostur? Utan sólskins eða skiptir það engu máli?
Úr þessu fékkst skorið á dögunum þegar eigandi súkkulaðigerðarinnar The Chocolate Bar greindi frá því að súkkulaði sem geymt sé í kæli missi skerpuna og bragðið. Súkkulaði skyldi alltaf geyma á köldum, dimmum og þurrum stað en alls ekki of köldum því bæði fari mikill kuldi illa með súkkulaðið, rétt eins og mikill hiti.
Þetta þýðir að við sem geymum súkkulaði í kæliskápum þurfum að kippa því út hið snarasta svo það verði ekki bragðlaust og „missi bitið“ en það viljum við alls ekki.
Þar höfum við það!