Það versta sem þú getur gert blandaranum þínum

Blandarar eru mikil nauðsynjatæki og við gerðum óformlega könnun á dögunum þar sem í ljós kom að blandarinn er í öðru sæti yfir mikilvægustu heimilistækin í eldhúsinu. 

Það er því ljóst að nauðsynlegt er að fara þarf rétt með græjuna - þá sér í lagi ef búið er að fjárfesta fyrir mikið fé.

En tvennt er það sem getur farið afskaplega illa með góðan blandara og ber að varast ef tryggja á langt og gott líf blandarans. 

Vitlaust raðað í blandarann. Samkvæmt sérfræðingum á alltaf að setja vökvann fyrst og svo hráefnin. Sér í lagi ef um ódýran eða lélegan blandara er að ræða. Sértu með skriðdreka í blandaralíki þarftu ekki að hafa svo miklar áhyggjur af þessu. 

Þrífið vandlega. Að sögn sömu sérfræðinga er blandarinn ekki nógu vel þrifinn á ansi mörgum heimilum (enginn áfellisdómur þó). Nauðsynlegt sé að taka hann í sundur í hvert skipti sem hann er notaður eða skola hann strax að notkun lokinni. Ekki er verra að setja heitt vatn í skálina og setja hann í gang í smá stund. Margir hafa flaskað á þessu og sett uppþvottalög með. Það getur endað skelfilega (eða skemmtilega) þannig að haltu þig við vatnið. 

• Blogga um frétt