Hér er uppskrift að ferskum jarðarberjasmoothie sem er álíka ferskur og kokteill við sundlaugarbakkann. Uppskriftin er hentug í tvö stór glös – ef þú tímir að deila með þér.
Ferskur jarðarberjasmoothie (passlegt í 2 stór glös)
- ½ vanillustöng
- 250 g frosin jarðarber
- 100 g sykur
- 3½ dl hrein súrmjólk
- 1 dl rjómi
- 3 msk. sítrónusafi
Aðferð:
- Skerið vanillustöngina langsum og skrapið innan úr með litlum hníf. Merjið vanillukornin með smávegis af sykrinum, þannig að kornin skiljist að. Bætið því næst restinni af sykrinum út í.
- Blandið frosnu jarðarberjunum saman við sykur, súrmjólk, rjóma og vanillusykurinn í blandara.
- Smakkið til með sítrónusafa.