Kvenkynsþjóðin þekkir það vel að hitta vinkvennahópinn svona sirka einu sinni í mánuði og oftar en ekki er boðið upp á eitthvert „mums“, því við elskum allar að gúffa í okkur á meðan við slúðrum um allt og ekkert.
Spínatídýfa í opnu brauði
- 2 bollar sýrður rjómi
- 1 bréf ranch salat dressing mix
- 300 g hakkað frosið spínat, þiðnað og vatnið að mestu tekið úr
- ¼ bolli saxaður laukur
- ¾ tsk. basilika
- ½ tsk. oregano
- Brauð
- Grænmeti
Aðferð:
- Blandið öllum hráefnum saman í skál (fyrir utan brauðið og grænmetið) og setjið í kæli í klukkutíma.
- Skerið toppinn af brauðhleifnum og leggið til hliðar. Takið brauð innan úr hleifnum en skiljið eftir þykka „skel“, og skerið umfram brauðið í hæfilega stóra munnbita.
- Fyllið hleifinn með ídýfunni og setjið á stóran disk. Raðið brauðbitum og niðurskornu grænmeti í kring og berið fram.