Glöggir menn hafa vakið á því athygli að Kristjánsbakarí býður upp á köku sem þeir kalla Bragga. Hafa myndir af kökunni farið víða og forsvarsmenn Kristjánsbakarís kallaðir markaðsmenn ársins af sumum.
Hér er þó um að ræða gamalgróna köku með rótgróið vörunúmer sem ætti að vera landsmönnum að góðu kunn. Um er að ræða ljósbrúna köku með smjörkremi sem hjúpuð er súkkulaði.
Við spáum því að Bragginn frá Kristjánsbakaríi verði á boðstólnum ansi víða á næstu misserum enda þjóðin hvergi nærri búin að fá nóg af bröggum.