Lúxus sunnudagsbakstur

Þú munt gleðja alla á heimilinu með þessum bakstri.
Þú munt gleðja alla á heimilinu með þessum bakstri. mbl.is/Alt.dk_Columbus Leth

Dekraðu við fjölskylduna með þessum dásamlegu súkkulaðiskonsum sem eru með þeim betri í bransanum. Það mun enginn kvarta yfir sunnudagskaffinu þegar þessar lenda á borðinu.

Lúxus sunnudagsbakstur

  • 500 g hveiti
  • 3 tsk lyftiduft
  • 50 g sykur
  • ½ tsk fínt salt
  • 125 g mjúkt smjör
  • 2 egg
  • 1 dl rjómi
  • 1 dl mjólk
  • 75 g hvítt súkkulaði
  • 75 g dökkt súkkulaði
  • 1 egg til penslunar

Aðferð:

  1. Setjið hveitið í skál ásamt lyftidufti, sykri og salti. Smuldrið smjörinu í hveitið og bætið eggjunum saman við.
  2. Hellið rjóma og mjólk út í og blandið vel saman. Ef deigið er of þurrt má bæta við smáveigis af mjólk.
  3. Saxið súkkulaðið og setjið saman við og hnoðið áfram þar til slétt. Látið deigið hvíla í 30 mínútur.
  4. Hitið ofninn á 200°C. Rúllið deiginu út, sirka 2 cm þykkt.
  5. Notið hringlaga form og skerið út sirka 5 cm hringi.
  6. Leggið á bökunarpappír á bökunarplötu og penslið með pískuðu eggi.
  7. Bakið í 12-15 mínútur þar til gylltar á lit og látið kólna á rist.
mbl.is