Jóhanna Kristjánsdóttir annar eigandi Systrasamlagsins við Óðinsgötu, fær sér ávallt góðan morgunmat sem er nærandi fyrir líkama og sál. Hún og systir hennar eiga og reka saman Systrasamlagið sem er framsækin verslun og kaffihús eða jafnvel heilsuhof sem býður upp á úrval heilsuvara. Gaman er að geta þess að Systrasamlagið mun fagna 10 ára afmæli þann 15.júní næstkomandi en þær systur byrjuð á Seltjarnarnesi með litla kaffihúsið sitt árið 2013 en fluttu á Óðinsgötuna árið 2017.

Matseðill systra samanstendur meðal annars af hollum þeytingum, morgungraut, morgunverðarskálum, súrdeigssamlokum, skotum og drykkjum, allt meira og minna unnið úr lífrænu gæðahráefni. Ef himinblár matcha latte er eitthvað sem heillar þá er Systrasamlagið staðurinn. Jóhanna hefur meira en 30 ára reynslu af heilsubransanum og veit hvað hún syngur þegar kemur að því að velja hollan og góðan morgunverð

Hressilegur kaffibolli

„Ég byrja flesta morgna á því að fá mér eina teskeið af aloe vera safa og eina teskeið af lífrænni silungsolíu áður en ég fer í vinnuna til þess að halda meltingunni góðri og liðunum og húðinni mjúkri. Þegar ég mæti í vinnuna, í Systrasamlagið, upp úr klukkan átta, helli ég upp á hressilegan kaffibolla með olíum og kryddum, bolla sem heldur einbeitingunni og orkunni góðri, að minnsta kosti til hádegis,“ segir Jóhanna og bætir við að þá sé komið að grautnum.

„Á veturna fæ ég mér gjarnan hafragraut en núna finnst mér betra að borða acai berjagraut. Ég þarf frekar eitthvað frískandi þegar hitinn í loftinu hækkar. Ég er svo mikill pitta, þ.e. að það er svo mikill eldur í mér, að mér finnst stundum gott að fá mér eitthvað kælandi en hitandi.“

Næringarríkur og hollur matur

„Allt þetta er frábær næring sem dugir mér fram að hádegi. En ég passa líka upp á að taka gott fjölvítamín og góðgerla. Þá er ég komin með hina fullkomnu grunnnæringu og skortir ekki neitt. Þau bætiefni sem ég kýs eru að sjálfsögðu frá Virdian sem er frábærlega vönduð lína og sú sem við höfum kosið að leggja áherslu hjá okkur. Þar sem ég vinn mikið og er á hreyfingu allan daginn skiptir það mig öllu máli að borða næringarríkan og hollan morgunverð, sem engu að síður verður að vera frábærlega bragðgóður. Það er best ef þetta fer saman,“ segir Jóhanna og flettir hér ofan af sínum uppáhaldsgraut sem á vel við á sumrin ásamt æðislegum kaffidrykk gegn heilaþoku.

Þessi acia grautur er unaðslega bragðgóður og gefur orku út daginn. Þetta er uppáhaldsgrauturinn hennar Jóhönnu á sumrin. mbl.is/Eggert Jóhannesson

Hin fullkomna máltíð fyrri part dags hjá Jóhönnu. mbl.is/Eggert Jóhannesson

Tengdar fréttir

Uppskriftir

Kjúklingaleggir sem krakkarnir eiga eftir að elska

• Eðal hrákaka Önnu Eiríks
• Einfalt skinkupasta með kjúklingi og brokkolí
• Helga Magga mælir með vöfflum í nestisboxið
• Salat vikunnar: Gómsætt kjúklingasalat með sætum kartöflum

» Fleiri tengdar fréttir

Morgunverður

Sælkeraskyrréttur í morgunsárið

• Banana kröns nýjasta æðið hennar Helgu Möggu
• Ommeletta með papriku, osti og sprettum til að byrja daginn
• Þessi morgunverður steinliggur fyrir hundinn þinn
• Gómsæt eggjabaka með grænmeti og osti

» Fleiri tengdar fréttir

• Blogga um frétt