Matur | mbl | 14.10.2023 | 6:00

Plokkfiskur, þessi gamli góði og rúgbrauð með

Gamli góði plokkfiskurinn með heimagerðu rúgbrauði og salati klikkar seint. mbl.is/Árni Sæberg

Fastur liður á matarvefnum á laugardagsmorgnum eru Húsó-uppskriftirnar sem koma úr hinu leyndardómsfulla eldhúsi í Hússtjórnarskólanum við Sólvallagötu. Skólameistarinn Marta María Arnarsdóttir flettir að þessu sinni ofan af uppskriftinni að plokkfisknum, þessum gamla góða, sem boðið hefur verið upp á íslenskum heimilum í áranna rás. Með plokkfisknum er ákaflega gott að fá heimagert rúgbrauð, eða þrumara og ferskt salat. Hér erum við komin með uppskriftina að plokkfisknum, rúgbrauðinu og salatinu sem allir í Hússtjórnarskólanum læra að gera.

Marta María Arnarsdóttir skólameistari Hússtjórnarskólans heldur áfram að gleðja lesendur matarvefsins með girniegum uppskriftum úr eldhúsi skólans. mbl.is/Eggert Jóhannesson

Þetta er tilvalinn réttur til að bjóða upp á í komandi viku og gott að undirbúa sig aðeins fyrir þessa máltíð. Til að mynda þarf að eiga fisk og kartöflur í réttinn og rúgbrauðið þarf að gefa sér tíma í að baka.

Plokkfiskur – sá gamli góði

450 g soðin ýsa
400 g kartöflur, flysjaðar, kældar og skornar í bita
(Athugið að hér er vel hægt að nota afgangs fisk, t.d. sem geymdur hefur verið í frysti, og kartöflur sem áður hafa verið soðnar).
½ laukur flysjaður og saxaður mjög smátt
50 g smjör eða smjörlíki
50 g hveiti
3-4 dl vökvi (fiskisoð og mjólk)
Salt og pipar (og karrí ef vill)
Nýmalaður svartur pipar eftir smekk