Matur | mbl | 23.11.2023 | 21:00

Truflað franskt steikarsmjör

Þetta steikarsmjör lyftir helgarsteikinni upp á nýjar hæðir. Samsett mynd

Café De Paris steikarsmjörið er algjör klassík til að lyfta heiðarlegri helgarsteik upp á nýjar hæðir. Kryddsmjörið eða steikarsmjörið er einfalt, fljótlegt og hrikalega bragðgott og einfalt mál að laga nóg af því til að geyma í frysti til síðari nota. Aðferðina getið þið séð í Instagram færslunni hjá samfélagsmiðlastjörnunni Michael Giacchino hér fyrir neðan.

Franskt steikarsmjör

100 g smjör, mjúkt
2 msk. skalotlaukur, mjög smátt saxaður
6 hvítlauksrif, söxuð fínt
3 ansjósuflök, smátt skorin
1 tsk. sítrónusafi
1 tsk. Worcestershire sósa
1 tsk. Dijon sinnep
1 tsk. karríduft
½ tsk. sæt paprika
1 tsk. salt
2 tsk. ferskt estragon, smátt saxað
2 tsk. fersk steinselja, smátt söxuð

Aðferð:

Setjið öll hráefnin saman í matvinnsluvél og blandið vel saman þar til smjörið fær þessu fallegu mjúku áferð líkt og sést í myndbandinu.
Setjið síðan í smjörið í ílangt eldfast mót eða í formkökuform og kælið.
Skerið síðan sneiðar eða kubba af smjörbitanum.
Upplagt að nota bökunarpappír við skurðinn líkt og sést í myndbandinu.
Njótið vel.