Gratíneraður fiskur með papriku og camembert

Fyrir 4

• 800 g ýsa skorin í bita
• 3 paprikur, skornar smátt, má vera minna, fer eftir smekk
• ½ blaðlaukur, smátt skorinn
• 250 ml rjómi frá Gott í matinn
• ½ askja smurostur með papriku
• 1 Dala camembert, skorinn í bita
• 1 tsk. dijon sinnep
• 1 tsk. paprikukrydd
• ½ grænmetisteningur
• Rifinn gratínostur, góð handfylli

Aðferð:

1. Hitið ofninn í 180°C hita.
2. Skerið ýsuna í bita og saltið aðeins ef vill.
3. Leggið í smurt eldfast mót.
4. Skerið grænmetið og setjið til hliðar.
5. Bræðið saman í potti rjómann, smurostinn og helminginn af camembert-ostinum, ásamt dijon-sinnepi, paprikukryddi og grænmetisteningi.
6. Smakkið til með svörtum pipar.
7. Hellið sósunni yfir fiskinn.
8. Dreifið grænmetinu því næst yfir og toppið með rifnum osti og afganginum af camembert-ostinum, skornum í litla teninga.
9. Bakið í um það bil 20 mínútur eða þar til fiskurinn er eldaður í gegn og osturinn er orðinn gullinbrúnn.
10. Berið fram og njótið.