Helga Magga slær í gegn með hrísgrjónavefjum
Þessar hrísgrjónavefjur líta vel út og þess virði að prófa.
Samsett mynd
Setja bókamerki
Helga Magga heilsumarkþjáfli og áhrifavaldur fer á kostum þessa dagana í einföldum uppskriftum og uppáhaldsdrykkurinn hennar, Coke án sykurs, er aldrei langt undan. Á dögunum galdraði Helga Magga þessar dásamlegu hrísgrjónavefjur fram og notar í þær kjúkling sem hún kaupir tilbúinn grillaðan. Það gerir matseldina bæði einfaldari og fljótlegri. Hægt er að sjá Helgu Möggu útbúa hrísgrjónavefjurnar í myndbandi hér sem hún deildi með fylgjendum sínum á Instagram.
Hrísgrjónavefjur með kjúkling
Fyrir 3-4
- 1 stk. heill grillaður kjúklingur (fæst í Hagkaup)
- 1 dl hoisin-sósa
- 2 msk. hrísgrjónaedik
- 2 msk. sojasósa
- Blandað grænmeti að eigin vali, t.d. gulrætur, kál, rauðkál, blaðlauk, kóríander eða það sem þú átt til í ísskápnum
- Hrísgrjónavefjur
- Sriracha-sósa eftir smekk
- Sesamfræ eftir smekk
Aðferð:
- Byrjið á því að rífa kjúklinginn niður og blandið saman við hann hoisin-sósu, hrísgrjónaediki og sojasósu.
- Skerið niður grænmeti eftir smekk, til dæmis gulrætur, kál, rauðkál, blaðlauk og kóríander.
- Setjið hrísgrjónavefjurnar í volgt vatn í um það bil 30 sekúndur.
- Raðið þeim á bretti og fyllið með kjúklingi og grænmeti og rúllið upp, líkt og Helga Magga gerir í myndbandinu.
- Bætið við sriracha-sósu og sesamfræjum eftir smekk ef vill.
- Njótið vel.
Rannsaka drómasýki í hestum
„Þær áttu bara að læra sína lexíu“
Kærir teiknara Vísis til siðanefndar
Haustbragur í maí: Snjókoma fyrir norðan
Lögregla hafi hvatt til afturköllunar kæru
Vantar fólk: „Þetta er gaman en það er ekki nóg“
Kostnaðurinn nemur allt að þremur milljörðum