Lífið gjörbreytt á átta mánuðum

Margir sem breyta um lífstíl leggja upp með að grennast og léttast. Þetta hugarfar hjálpar ekki alltaf. Hin kanadíska Ana-Maria Klizs hefur vakið mikla athygli fyrir lífstílsbreytingu sína. Hún segist bara hafa litið á betri næringu og meiri hreyfingu sem eitthvað sem hún varð að gera til þess að verða heilbrigðari og sterkari. 

„Ég var ekki óánægð með líf mitt, það er ekki málið,“ skrifaði Klizs. „Ég elskaði líf mitt og leið vel með það, jafnvel afsakanirnar. En ég var óánægð af því ég vissi að ég væri ekki heilbrigð og mér virtist vera sama.“

Hún segist ekki hafa tekið ástfóstri við hreyfingu fyrr en nokkru eftir að hún byrjaði að hreyfa sig. Áður var þetta eitthvað sem hún varð að gera, en gerði samt. Hún lýsir því hversu stolt hún var af sjálfri sér þegar hún tók æfingu og gaf skít í afsakanir sínar.  

Klizs tekur skýrt fram að það sé ekki samansem merki á milli þess að vera heilbrigður og vera grannur. Þegar hún var sem grennst var hún að svelta sig og hreyfði sig mjög mikið, var einungis 50 kíló. Hún var alveg óheilbrigð rétt eins og þegar hún var þegar hún var 90 kíló. 

Hún segist ekki telja kaloríur en eldar hollan mat og hreyfir sig reglulega. Hún segist hafa bætt á sig vöðvum en fituprósentan lækkað. Nú sé hún ánægð þar sem henni líður eins og hún geti andað. 

• Blogga um frétt