Fyrrum framkvæmdastjóri DV selur piparsveinaíbúðina

Bogi Örn Emilsson, fyrrverandi framkvæmdastjóri DV, hefur nú sett piparsveinaíbúð sína á sölu. Íbúðin stendur við Hallveigarstíg. 

Íbúðin er í fjölbýlishúsi sem byggt var árið 1926 en íbúðin sjálf er á jarðhæð og er mikið endurnýjuð. Íbúðin er 132,1 fermetrar og fimm herbergja, henni fylgir smekkleg suðursólverönd.

Eldhús og herbergi íbúðarinnar eru parketlögð en í stofunni er flotað og lakkað gólf með gólfhita. Nánari upplýsingar um eignina má finna inni á fasteignavef mbl.is.