Við Tómasarhaga í Vesturbæ Reykjavík er að finna sjarmerandi 92 fm íbúð í snyrtilegu fjölbýlishúsi sem reist var árið 1955. Dökk og kröftug litapalletta einkennir íbúðina þar sem fallegir brúnir tónar spila lykilhlutverk og skapa notalega stemningu.
Gengið er inn í íbúðina um sérinngang, en í forstofu má sjá afar fallegar flísar með skemmtilegu mynstri sem fanga augað samstundis og góða fataskápa með flottum frontum.
Eldhús, borðstofa og stofa eru samliggkandi í opnu rými með góðum gluggum sem hleypa mikilli birtu inn. Veggina prýðir hlýlegur en kröftugur brúnn litur sem gefur íbúðinni mikinn karakter. Í eldhúsi er stílhrein dökkbrún innrétting með góðu vinnu- og skápaplássi.
Íbúðin státar af tveimur svefnherbergjum og einu baðherbergi með baðkari og sturtuaðstöðu. Bæði herbergin eru björt með góðum gluggum og hafa verið máluð í notalegum jarðtónum. Þá er einnig snyrtilegur sameiginlegur garður við húsið.