Listahjónin Arnar Dan Kristjánsson og Sigríður Soffía Hafliðadóttir hafa fest kaup á timburhúsi við Stýrimannastíg í Vesturbæ Reykjavíkur. 

Um er að ræða 200 fermetra einbýlishús sem var reist árið 1906, því ríflega aldar gamalt. Ráðast þarf í talsverðar endurbætur á timburhúsinu en fyrrverandi eigandi þess, Jóhanna Kristjánsdóttir, er 83 ára gömul og hafði búið í húsinu alla sína tíð.  

Arnar og Sigríður Soffía greiddu 125 milljónir fyrir húsið. Hjónin fengu það afhent nú á dögunum og eru þegar byrjuð að vinna að allsherjarbreytingu á húsinu.

Sigríður Soffía birti skemmtilega mynd á Instagram-síðu sinni þegar þau fengu húsið afhent. Hún birti einnig stutt myndskeið sem sýnir afrakstur síðustu daga. 

„Verkefnin er ca. 3638378“

„Formlegur afhendingardagur var í dag. Við Arnar festum kaup á 100 ára gömlu timburhúsi í Vesturbænum. Húsið líkist æskuheimili mínu á Vesturgötunni góðu. Brakandi gólf og góður andi. Jóhanna, sú sem við keyptum af, hefur búið þarna allt sitt líf og var glöð að sjá þrjá krakkaorma hlaupa um í stofunni áðan.  

Verkefnin er ca. 3638378 en sem betur fer er Arnar með orku á við Gullfoss og er þar af leiðandi búinn að rífa veggi, loft og gólf. Ég fæ nett kvíðakast við tilhugsunina um verkefnið sem bíður okkar, en þetta fer allt vel,“ skrifaði Sigríður Soffía við færsluna. 

Í janúar auglýstu hjónin íbúð sína á Ránargötu til sölu. 

Frétt af mbl.is

Arnar Dan og Sigríður Soffía selja í 101

Tengdar fréttir

Instagram

Katrín Edda á von á sínu öðru barni

• Instagram: „Allt á uppleið!“
• Dóttir Örnu Ýrar og Vignis Þórs fékk krúttlegt nafn
• Sonur Birgittu Lífar á góðri leið að verða heimsflakkari
• Laufey fagnar 25 ára afmæli

» Fleiri tengdar fréttir

Hverjir fluttu hvert

Magnús og fjölskylda selja lúxusíbúð í 101

• Brynja og Þórhallur selja eitt sætasta húsið í bænum
• Jón Jónsson og Hafdís selja 182 milljóna einbýli
• Rakel og Pálmi Guðmunds selja lekkera íbúð á besta stað
• Sigurður Gísli keypti þriðju lúxusíbúðina í sömu blokk

» Fleiri tengdar fréttir

• Blogga um frétt