Guðdómlegt eldhús með ítölskum marmara í 101 Reykjavík

Guðdómlegt eldhús með ítölskum marmara prýðir íbúðina.
Guðdómlegt eldhús með ítölskum marmara prýðir íbúðina. Samsett mynd

Við Mýrargötu í Reykjavík er að finna 66 fm endaíbúð á fyrstu hæð í fjölbýlishúsi sem reist var árið 2014. Ljósir og mjúkir litir eru í forgrunni í íbúðinni sem er með gólfsíðum gluggum og guðdómlegu eldhúsi sem fangar augað. 

Eldhús, stofa og borðstofa eru samliggjandi í björtu alrými. Eldhúsið er nýlega uppgert með stílhreinni hvítri innréttingu og glæsilegum ítölskum marmara á eldhúseyju og eldhúsvegg. 

Gott skápa- og vinnupláss er í rýminu, en marmarinn gefur því án efa mikið lúxusyfirbragð og setur punktinn yfir i-ið ásamt sjarmerandi innbyggðri lýsingu í eldhúshillum. Þá má sjá tvöfaldan postulínsvask og falleg gyllt blöndunartæki frá Lusso sem eru í stíl við höldurnar á innréttingunni.

Í eldhúsinu er tignarleg eldhúseyja með guðdómlegum ítölskum marmara.
Í eldhúsinu er tignarleg eldhúseyja með guðdómlegum ítölskum marmara. Ljósmynd/Af fasteignavef mbl.is
Falleg lýsing gerir mikið fyrir hillurnar í eldhúsinu.
Falleg lýsing gerir mikið fyrir hillurnar í eldhúsinu. Ljósmynd/Af fasteignavef mbl.is

Marmari og gyllt blöndunartæki setja punktinn yfir i-ið

Sami lúxusfílingur teygir sig einnig inn á baðherbergið sem er flísalagt með marmaraflísum á gólfi og veggjum. Hvít innrétting prýðir rýmið ásamt stílhreinum gylltum blöndunartækjum frá Lusso. 

Í stofu eru gólfsíðir gluggar og stór rennihurð út á svalir þar sem sjarmerandi aðstöðu hefur verið komið fyrir. Ásett verð er 69.900.000 krónur. 

Sjá á fasteignavef mbl.is: Mýrargata 26

Frá alrýminu er útgengt á notalegar svalir.
Frá alrýminu er útgengt á notalegar svalir. Ljósmynd/Af fasteignavef mbl.is
mbl.is
Fleira áhugavert
Fleira áhugavert
Loka

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál