Fjölmargir mannauðsstjórar og fólk úr atvinnulífinu fögnuðu árlega alþjóðlega mannauðsdeginum síðasta fimmtudag með veislu sem haldin var í vinnustaðaskólanum Akademías. Ásamt skólanum hélt Mannauður, félag mannauðsstjóra, og Bara tala sem er nýtt app til að læra íslensku, viðburðinn með góðum umræðum.
Aðal umræðuefnið var fjölbreytileiki á vinnumarkaði og hvernig má bjóða erlent starfsfólk betur velkomið inn í íslenskt samfélag.
Guðmundur Ingi Guðbrandsson, félags- og vinnumarkaðsráðherra ávarpaði gesti með rafrænu ávarpi en þar talaði hann meðal annars um mikilvægi góðs aðgengis að starfstengdum og gagnvirkum orðaforða og talæfingum fyrir fólk af erlendum þjóðernum. Þjónustan sem Bara tala býður upp á er mikilvægt skref í að setja íslensku í samhengi við veruleika fólks og bjóða það velkomið til þátttöku í íslensku málsamfélagi.