Stjörnurnar í Hollywood skörtuðu sínu allra besta þegar þær mættu á galakvöld um helgina. Stífar reglur giltu um klæðaburð en allar dömurnar voru í einstaklega fallegum síðkjólum. Kjólarnir minntu helst á kjólana á Óskarsverðlaunahátíðinni. 

Þrátt fyrir reglurnar tóku sumar stjörnur áhættu, sýndu hold, léku sér með liti og form. Aðrar voru í hefðbundnari kjólum. Margir kjólar áttu það sameiginlegt að minna á að jólin eru handan við hornið. 

Leikkonan Natalie Portman skein skært í síðkjól frá Dior með rauðan jólalegan varalit. Leikkonan Eva Longoria var líka í hátíðarstemningu í glitrandi kjól frá ítalska tískuhúsinu. Dolce & Gabbana. Fyrirsætan Kendall Jenner minnti á jólin í rauðum síðum kjól frá Fendi. Kjóllinn var með einskonar borða á hliðinni svo ekki var hægt að hugsa um annað en fallegan rauðan jólapakka. 

Hér fyrir neðan má sjá stjörnurnar skína á rauða dreglinum.